Koronavirus pandemiyasına qarşı mübarizə məqsədilə xüsusi karantin rejimi elan ediləndən insanlar ev məşğuliyyətləri ilə daha çox maraqlanmağa başlayıblar. 

TED.az "Evdə qal" layihəsi çərçivəsində rəsm çəkməyi öyrənə biləcəyiniz YouTube kanallarını təqdim edir:

- ÇiZiO  YouTube kanalına abunə olaraq Cevil Arslanın rəsm dərslərini izləyə bilərsiniz. 86 mindən çox abunəçisi olan kanalda xeyli videodərs yerləşdirilib. Dərslərdə əsasən, qara qələm texnikasından bəhs edilir. İlk dərs isə cizgi vərdişlərinə həsr olunub. Qələmin necə tutulmasından başlayaraq, cisimlərin ölçülərinə görə vərəqdə yerləşdirilməsinə qədər hər məsələyə toxunulur. Videodərslər türk dilində hazırlanıb. 

- Rəsm çəkməyi öyrənə biləcəyiniz digər YouTube kanalı isə SimCey-dir  Bu kanalda həmçinin, digital rəssamlıqla bağlı da dərslər mövcuddur. Kanalın 211 min abunəçisi var. İlk dərsdə qara qələmlə rəsm çəkilməsindən bəhs olunsa da, növbəti dərslərdə bu texnikalar daha mürəkkəbləşir. 

- Çizim zamanı YouTube kanalı da rəsmsevərlərin ixtiyarındadır. 271 min abunəçisi olan kanalda həvəskar rəssamlıq öyrədilir. Burada əsasən, "fashion art"la bağlı məlumatlara yer verilir. 

- Sercan Aratın  10,5 min abunəçisi olan YouTube kanalı da rəsm öyrənmək üçün ideal variantdır. Burada rəssamlığın, əsasən, struktur, qrafik elementlərindən bəhs olunur. Dərslərdə əsasən, i üçün qrafiklərin necə qurulması izah olunur. Akademik rəsm öyrənmək üçün istəyənlər üçün daha effektivdir. 

- Arkaiksepya YouTube kanalında da rəsmi öyrənmək istəyənlər üçün detallı məlumatlar mövcuddur. Dərslər kiçik cisimlərin quruluşundan başlayaraq ayrı-ayrı fiqurların çəkilməsi, portret janrına qədər davam edir. Rəsmə sıfırdan başlayanlara bu kanaldaki detalları izləmək tövsiyə olunur.