AZ

#EVDƏQAL – uşaqlarına nağıl oxu

 

53
06.04.2020 17:32

Gərgin iş rejimi, müxtəlif qayğılar, asudə vaxt azlığı övladlarımızla birlikdə zaman keçirməyə imkan vermirdi. Ancaq hazırda epidemiya təhlükəsindən qorunmaq üçün evdə keçirdiyimiz zaman uşaqlara diqqət və qayğı göstərməyin əsl zamanıdır. Bağça, məktəb kimi təhsil ocağına da yollana bilməyən balacalara müxtəlif nağıllar oxumaqla onları həm əyləndirə, həm də maarifləndirə bilərik.

 

Hafizənizdə olan nağılları artıq övladınız bilirsə, fərqli nağıllar seçib onlara oxumaq istəyirsinizsə TED.az olaraq sizə bu məqamda da yol göstərmək istəyirik. Bunun üçün müxtəlif nağıllar təqdim edən saytlar var.


Belə saytlardan biri Uşaq Bilik Portalıdır. Bura uşaqlar və məktəblilər üçün açılmış internet portalıdır. 


Körpənizi nağıllar aləminə aparacaq internet saytlarından biri də www.nagillar.az-dır. 


Həmçinin www.sehrlidunya.com, www.kirpi.az internet portalı da bu məqamda köməyinizə çata bilər. 


Bundan başqa, övladlarınıza səsli nağıllar da dinlədə bilərsiniz. Bu uşaqlara lüğətlərini genişləndirməyə və nitqləri intonasiyalarla zənginləşdirməyə imkan verir. Onlara audio nağıllarına qulaq asmasına imkan verərək təhsilinə əvəzsiz töhfələr vermiş olursunuz.

 

Telefonunuza Audio Tales tətbiqini yükləməklə onlara müxtəlif nağıllar dinlədə bilərsiniz. Bütün nağılları aktyorlar səsləndirirlər. Uşaqlarınız üçün çox mehriban qəhrəmanları tanıtdıracaq, eyni zamanda, həyat müdrikliyini öyrədən qeyri-adi, müxtəlif sehr və möcüzələr dünyası açılacaq. Bu tətbiq telefonunuzda, planşetinizdə aparıcı yerlərdən birini tutacaq.

 

Audio kitab tətbiqində də Azərbaycan nağılları bölməsi yer alıb.

 

AzKoma (Kompüter Oyunları Milli Assosiasiyası) tərəfindən hazırlanan müxtəlif nağıl tətbiqlərini yükləməklə də övladınızı sevindirə bilərsiniz.

 

100 səsli hekayə tətbiqi də Azərbaycan və dünya ədəbiyyatının nümunələrini səsli formada təqdim edir.

 

O cümlədən YouTube platformasından da ana dilimizdə səsləndirilən müxtəlif nağıllar dinləmək mümkündür.

 

Uşaq kitabxanası, Ordan-Burdan, Sehrli Dünya, Multimedia kanalı, Ağıllı bala YouTube kanallarından nəinki nağılları, hətta öyrədici oyun və kitablar, uşaq mahnıları, doğma dilimizdə səsləndirilən cizgi filmlərini də izləyə bilərsiniz.

#EVDƏQAL bölməsindən digər xəbərlər

Daha çox