AZ

Qeydiyyatda olmayan işsizlər yardım almaq üçün nə etməlidirlər? – NAZİRLİKDƏN AÇIQLAMA

62
06.04.2020 17:45

Məlum olduğu kimi, koronavirus pandemiyası ilə əlaqədar dövlət yardım proqramları çərçivəsində qeydiyyatda olan 200 min işsiz şəxs iki ay 190 manat birdəfəlik yardım alacaq.

 

Bəs həmin şəxslər yardımı almaq üçün hansı addımları atmalıdır? 

 

TED.az xəbər verir ki, Əmək və Əhalinin Sosial Müdafiəsi Nazirliyinin mətbuat xidmətinin rəhbəri Fazil Talıblı mövzu ilə bağlı bildirib ki, qeydiyyatda olan işsiz vətəndaşların harasa müraciət etməyinə ehtiyac yoxdur: “Həmin vəsaitlərin verilməsi ilə bağlı mexanizm hazırlanır. Biz bunun detalları barədə ictimaiyyətə açıqlama verəcəyik. İşsiz kimi qeydiyyatda olanların heç yerə müraciət etmələrinə ehtiyac yoxdur. Vəsaitlərin verilməsini gözləsinlər”.

 

 

Dövlət Məşğulluq Xidmətində qeydiyyatda olmayan işsizlərə gəlincə, F.Talıbov qeyd edib ki, həmin vətəndaşlar nazirliyin elektron sistem vasitəsilə qeydiyyatdan keçə bilərlər: "Onlar e-sosial.az saytı vasitəsilə Məşğulluq altsistemində qeydiyyatdan keçib işsiz statusu almalıdırlar. Bundan sonra onlar da yardım ala biləcəklər”.

e-Azərbaycan bölməsindən digər xəbərlər

Daha çox