AZ

#EVDƏQAL – muzeylərə səyahət et

333
06.04.2020 18:15

Mədəniyyət Nazirliyi və Gənclər Fondu ölkədə tətbiq edilən xüsusi karantin rejimi ilə əlaqədar vətəndaşların evdə vaxtlarının daha faydalı təşkili məqsədilə növbəti maraqlı layihəyə start veriblər.


Gənclər Fondundan TED.az-a verilən məlumata görə, “Evdə qal və evdə öyrən” çağırışı ilə Bakı şəhərində yerləşən muzey və sərgi komplekslərinə virtual səyahət formatında olan bu layihə vətəndaşların evdə qalarkən vaxtlarını daha səmərəli və maraqlı keçirməsini, ölkəmizin tarixi, mədəniyyəti və incəsənəti ilə daha yaxından tanış olmasını ehtiva edir.


Təşəbbüs çərçivəsində ilk virtual tur Heydər Əliyev Mərkəzində yerləşən muzeyə təşkil olunub.


Virtual tur zamanı Azərbaycan xalqının ümummilli lideri Heydər Əliyevin həyatı və fəaliyyətini əks etdirən və dövlətçilik tariximizin mühüm nümunələri - eksponatlar, videomateriallar, fotoşəkillər və sənədlər nümayiş etdirilib.


Azərbaycanın bir sıra aparıcı muzeylərini əhatə edəcək layihə vətəndaşların və xüsusilə də gənclərin mənəvi cəhətdən zənginləşməsinə, fərdi inkişafına və biliklərini artırmasına xidmət edəcək.

#EVDƏQAL bölməsindən digər xəbərlər

Daha çox