AZ

Yalnız bu kodu göndərənlərə evdən çıxmağa gündə bir dəfə icazə verilir

05
06.04.2020 19:25

“Xüsusi Karantin Rejiminin Tətbiqi Zamanı İcazələrin Alınması və Monitorinqi Sistemi” vasitəsi ilə aprelin 5-dən vətəndaşların sorğuları cavablandırılmağa başlanılıb. Bunun üçün 8103 əlaqə nömrəsinə müraciətə uyğun olaraq 1,2,3 rəqəmlərindən birini və şəxsiyyət vəsiqəsinin seriya nömrəsini yazmaq tələb olunur. Vətəndaşlara zəruri ehtiyac olduğu təqdirdə gün ərzində bir dəfə, iki saat olmaq şərti ilə evdən çıxmağa icazə verilir. 


Çoxlarını isə bu sual maraqlandırır:


Gün ərzində seçimlərin hər biri üzrə bir dəfə müraciət etmək mümkündür? Yoxsa vətəndaşa ümumilikdə cəmi bir dəfə icazə verilir?

 

TED.az xəbər verir ki, Vətəndaşlara Xidmət və Sosial İnnovasiyalar Agentliyinin məlumatına görə, "2" kodu ilə bağlı gün ərzində bir dəfə SMS göndərilə bilər. Digər kodların göndərilməsi ilə bağlı isə məhdudiyyət nəzərdə tutulmayıb.

 

Qeyd edək ki, "1" rəqəmi təxirəsalınmaz tibbi zərurətlə və ya qrafik üzrə müalicə almaqla əlaqədar yaşayış yerini tərk etmək üçün nəzərdə tutulub. "2" rəqəmi ərzaq və digər gündəlik tələbat mallarının, habelə dərman vasitələrinin alınması, bank və poçt xidmətlərindən istifadə edilməsi zərurəti ilə əlaqədar yaşayış yerini tərk etmək üçün, "3" isə yaxın qohumunun dəfnində iştirakla əlaqədar icazə üçün nəzərdə tutulub.

 

TED + bölməsindən digər xəbərlər

Daha çox