AZ

İcazə almadan məişət tullantısı atmağa getmək olarmı? 

icaze-zibil
06.04.2020 22:59

“Xüsusi Karantin Rejiminin Tətbiqi Zamanı İcazələrin Alınması və Monitorinqi Sistemi” vasitəsi ilə aprelin 5-dən vətəndaşların sorğuları cavablandırılmağa başlanılıb. Bunun üçün 8103 əlaqə nömrəsinə müraciətə uyğun olaraq 1,2,3 rəqəmlərindən birini və şəxsiyyət vəsiqəsinin seriya nömrəsini yazmaq tələb olunur. Çoxlarını isə bu sual maraqlandırır: Məişət tullantısı atmağa gedərkən icazə alınmalıdırmı?

 

TED.az xəbər verir ki, Vətəndaşlara Xidmət və Sosial İnnovasiyalar Agentliyindən bu suala cavab verilib.

 

Bildirilib ki, icazə alınmasına ehtiyac yoxdur. Vətəndaş məişət tullantısını atıb geri qayıda bilər.

 

Qeyd edək ki, "1" rəqəmi təxirəsalınmaz tibbi zərurətlə və ya qrafik üzrə müalicə almaqla əlaqədar yaşayış yerini tərk etmək üçün nəzərdə tutulub. "2" rəqəmi ərzaq və digər gündəlik tələbat mallarının, habelə dərman vasitələrinin alınması, bank və poçt xidmətlərindən istifadə edilməsi zərurəti ilə əlaqədar yaşayış yerini tərk etmək üçün, "3" isə yaxın qohumunun dəfnində iştirakla əlaqədar icazə üçün nəzərdə tutulub.

e-Azərbaycan bölməsindən digər xəbərlər

Daha çox