Evdə xidmət üçün "Səyyar Nar" istifadəyə verilib - Müraciət qaydaları
Nar mobile mobil operatoru koronavirus pandemiyasına görə, evdən çıxa bilməyən insanlar üçün "Səyyar nar" xidmətini istifadəyə verib.
TED.az xəbər verir ki, "Səyyar Nar" xidməti sayəsində istifadəçilər Nar mərkəzlərində mövcud olan bütün xidmətləri elə evdəcə əldə edə biləcəklər. Bunun üçün istifadəçi sadəcə istədiyi xidmətlə bağlı müraciət etməlidir. Nar mobile avtomobili müraciətdə qeyd edilən ünvana gəlir Müraciəti çağrı mərkəzi və ya Nar+ tətbiqi vasitəsilə etmək mümkündür. Xidmət haqqı isə 1 dəfə üçün 10 AZN təşkil edir. Xidmət müraciətdən sonra 24 saat ərzində göstərilir.
Müraciət zamanı dəqiq ünvan, əlaqə nömrəsi və müraciət edilən xidmət növü mütləq qeyd edilməlidir. Xidmət birbaşa qeyd olunan ünvanda göstəriləcək. Xidmətin göstərilməsi üçün nömrənin rəsmi sahibi mütləq qeyd olunan ünvanda şəxsiyyətini təsdiq edən sənədlə birlikdə olmalıdır.
Qeyd edək ki, "Səyyar Nar" xidməti hazırda Bakı, Sumqayıt və Abşeron ərazilərini əhatə edir.