AZ

Pandemiya şəraitində cinayətkarlığın tendensiyaları ilə bağlı onlayn vebinar keçirildi

konfrans-onlayn
20.05.2020 20:56

Mayın 20-də Azərbaycanın birinci və apellyasiya instansiyası məhkəmələrinin hakimləri, Baş Prokuror yanında Korrupsiyaya qarşı Mübarizə Baş İdarəsinin prokurorları və Ədliyyə Akademiyasının əməkdaşları Bolqarıstan Milli Ədliyyə İnstitutu tərəfindən keçirilən “COVID–19 pandemiyası şəraitində cinayətkarlığın tendensiyaları" onlayn vebinarına qatılıblar. 


TED.az xəbər verir ki, vebinarda Avropa, Asiya və Şimali Amerikanın 20-dən çox ölkəsindən 120-dən artıq hakim və prokuror iştirak edib. 


Təlimdə Milli Ədliyyə İnstitutunun direktoru Miqlena Taçeva, Avropa Hakimlərin Tədrisi şəbəkəsinin baş katibi, hakim Markus Brukner çıxış edərək hakimlərin təlimləri baxımından belə təşəbbüslərin əhəmiyyətini vurğulayıblar.


Vebinarda pandemiya dövründə maliyyə və iqtisadi cinayətlər, kibercinayətkarlıq, dələduzluqla mübarizə kimi aktual məsələlər müzakirə olunub. 


Bundan başqa, ABŞ-ın Ədliyyə Departamentinin Bolqarıstan və Rumıniya üzrə şöbəsinin hüquq məsləhətçisi Cessika Kim mövzu ətrafında məruzə ilə çıxış edib, iştirakçıların çoxsaylı suallarını cavablandırıblar.

e-Azərbaycan bölməsindən digər xəbərlər

Daha çox