“Azərenerji” ASC-nin dəstəyi ilə enerji sistemi müasir avadanlıqlarla proqram təminatı ilə təchiz ediləcək yeni SCADA sistemi qurulur. Yeni sistem əsas və dispetçer idarəetmə mərkəzindən 7 Redional Monitor Mərkəzlərindən ibarət olmaqla ilkin mərhələdə 21 elektrik stansiyası və 70 yarımstansiyanı əhatə edəcək.

TED.az xəbər verir ki, bu günədək yeni SCADA sisteminə qoşulacaq enerji obyektlərində müvafiq işlər aprılıb, o cümlədən yeni avadanlıqların yerləşəcəyi otaqlarda təmir-bərpa işləri yekunlaşıb. Yeni SCADA layihəsi çərçivəsində müasir dispetçer telefon rabitəsi yaradılıb və təhlükəsizlik sistemi kiberhücumlara cavab verə biləcək səviyyədə qurulub. Rabitə və telekommunikasiya avadanlıqları xarici ölkələrdən gətirilir. Ümumi uzunluğu 1300 km olacaq əlavə fiberoptik kabellərin çəkilişi davam edir. Yeni radio-rabitə sisteminin təkmilləşdirilməsi üzrə işlər aparılır.

“İsveçrənin ABB şirkəti ilə bağlanmış müqaviləyə uyğun olaraq 1 avqust 2019 il tarixindən layihənin icrasına başlanılıb. Yeni SCADA layihəsinin 31 dekabr 2020-ci ildə tam başa çatdırılması nəzərdə tutulub”, - deyə ASC-dən bildirilib.

Yenilənəcək SCADA sistemi müasir idarəetməni nəzərdə tutur və tam avtomatlaşdırılır. Bununla etibarlılıq və təhlükəsizliyi gücləndirməklə yanaşı, qonşu ölkələrin sistem operatorları istifadə etdikləri SCADA sistemlərinin məlumat mübadiləsini, o cümlədən idxal-ixrac əməliyyatlarının yüksək səviyyədə təmin edilməsinə bilavasitə dəstək olur.