AZ

Türkiyənin ilk İnstaqram serialı bu axşam yayımlanacaq

e92c86e4f8cdb7086f3f704771dda4ec.jpeg
21.05.2020 19:51

Türkiyə də sosial media vasitəsilə serialların yayımlandığı ölkələr sırasına qatılır. 


TED.az türk mətbuatına istinadən xəbər verir ki, pandemiya günlərindən bəhs edən "Gün On4" serialının ilk seriyası bu axşam yerli vaxtla 21:00-da (Bakı vaxtilə 22:00) Instaqram vasitəsilə yayımlanacaq. 


Mini-serialın Türkiyədə ilk dəfə tətbiq edilən üsulla çəkildiyi deyilir. Serial "Meraklı Filmler" Instaqram hesabında yayımlanacaq. 


Qeyd olunur ki, karantin rejimindən dolayı bütün çəkilişlər evdə aparılıb və sosial məsafənin qorunmasına xüsusi diqqət göstərilib. 


Az qala tamamilə dayanma nöqtəsinə gələn kinematoqrafiya sahəsi üçün işıq ola biləcəyi deyilən serialın pandemik detektiv janrında olduğu nəzərə çatdırılıb. 


Serial koronavirus diaqnozu qoyulan və xəstəliyin öhdəsində evində aldığı müalicə ilə gələn komissar Qəzənfər və komandasının şübhəli bir intihar işini araşdırmalarından bəhs edir. Xaricdən gəldiyi üçün 14 günlük karantin altına alınan komissar köməkçisi Sevin ilə eyni təyyarədə səyahət edən sərnişin yerləşdirildikləri yataqxanada intihar edir və beləcə, hadisələr cərəyan edir. 


Qeyd edək ki, mini-serial hər biri 8 dəqiqə olan 10 seriyadan ibarətdir.

KORONAVİRUS bölməsindən digər xəbərlər

Daha çox