AZ

Elza İbrahimovanın YouTube hesabı necə bərpa olundu? — Daha əvvəl kanalı silməkdə ittiham olunan şirkətdən AÇIQLAMA

222
22.05.2020 13:45

Xalq artisti, məşhur bəstəkar Elza İbrahimovanın YouTube hesabı geri qaytarılıb.

 

“Biz dünyasını dəyişmiş və hazırda yaşayan yaradıcı insanların hüquqlarını qoruyuruq. Borcumuz Azərbaycan mədəniyyətinə xidmət etməkdir. Məsələnin həllini düşünüb ilk növbədə Çingiz bəylə (Red: Elza İbrahimovanın qardaşı Çingiz İbrahimov) danışdıq, o öz yanlışını başa düşdü, bizə isə ona dəstək göstərmək qaldı”.

 

Bunu TED.az-a açıqlamasında “WediaCorp Azərbaycan” şirkətinin meneceri Ceyhun Əsədov deyib. 

 

C.Əsədov bildirib ki, şirkətin YouTube-a müraciətindən sonra Elza İbrahimovanın kanalı bərpa olunub: “Azərbaycanda rəsmi nümayəndəsi olaraq bununla bağlı platformaya müraciət etdik və kanal iki gündən sonra bərpa olundu. Çingiz bəyin dediyinə görə, YouTube-da bəstəkarın yeni kanalı yaransaydı belə, Elza xanımın arxivini yenidən yaratmaq çətin olardı. Ona görə də bu addımı atmağı vacib bildik”.

 

Şirkət meneceri vurğulayıb ki, “WediaCorp” şirkətinin məqsədi dünyasını dəyişmiş və ya hazırda yaşayıb yaradan insanların hüquqlarını qorumaqdır. 

 

“Bundan sonra öz dəstəyimizi yenə göstərəcəyik”, — deyə o qeyd edib.

 

Xatırladaq ki, may ayının əvvəlində “WediaCorp Azərbaycan” şirkəti dünyasını dəyişən tanınmış sənətçilərin  kanallarını və mahnılarını YouTube-dan silməkdə ittiham olunurdu. Silinənlər arasında Elza İbrahimovaya məxsus 800-dən çox musiqi videosu da var idi. Bəstəkarın qardaşı Çingiz İbrahimov hesabın “WediaCorp Azərbaycan” şirkəti tərəfindən bağlanıldığını iddia edirdi.

 

 

Fatimə ZÜLFİQAR

TED + bölməsindən digər xəbərlər

Daha çox