AZ

Daha 127 nəfərdə koronavirus aşkarlandı: 107 sağalan, 3 ölən var – AZƏRBAYCANDA

koronavirus
23.05.2020 16:39

Azərbaycanda 127 yeni koronavirus infeksiyasına yoluxma faktı qeydə alınıb, 107 nəfər müalicə olunaraq sağalıb və evə buraxılıb.


TED.az Nazirlər Kabineti yanında Operativ Qərargaha istinadən xəbər verir ki, COVID-19 üçün götürülən analiz nümunələri müsbət çıxmış 1948, 1952 və 1982-ci il təvəllüdlü üç nəfər vəfat edib.


Qeyd edək ki, hazırkı dövrədək ölkəmizdə 3.982 nəfərin koronavirus infeksiyasına yoluxması faktı müəyyən edilib. Onlardan 2.506 nəfər müalicə olunaraq sağalıb, 49 nəfər vəfat edib. 1.427 nəfərin xüsusi rejimli xəstəxanalarda müalicəsi davam etdirilir. 


Həmin şəxslərdən 44 nəfərin vəziyyəti ağır, 57 nəfərin vəziyyəti orta ağır qiymətləndirilir, digərlərinin səhhəti stabildir.


Ötən müddət ərzində yeni yoluxma hallarının müəyyənləşdirilməsi ilə əlaqədar 265.067 test aparılıb.

 

KORONAVİRUS bölməsindən digər xəbərlər

Daha çox