"COVİD-19 genomunun deşifrələməsi yalnız bir həftə çəkdi. Bu, yüksək performanslı DNT sekvenləşdirilməsi texnologiyaları sayəsində baş verdi. EKMO kimi qabaqcıl dərman və texnologiyaların geniş çeşidindən istifadə edilməsi xəstələrin müalicəsinin effektivliyini də artırdı. Bundan əlavə, yeni texnologiyalar səhiyyə işçilərini daha yaxşı müdafiə etməyə və onların işinin effektivliyini artırmağa kömək etdi. Bu texnologiyalara 5G, Big Data, süni intellekt, uzaqdan konsultasiya kimi yeni yanaşmalar, palatalarda mobil texnika və bədən istiliyinin infraqırmızı monitorinq sistemi daxildir. Texnoloji tərəqqi bir addımla virusu məğlub etməyimizə kömək edə bilməz. Buna baxmayaraq, texnologiya virusa qarşı olan bu yarışda bizə daha sürətli qaçmağa kömək edir"

TED.az xəbər verir ki, bunu “Huawei” şirkətinin baş korporativ vitse-prezidenti və idarəedici direktoru Ketrin Çen deyib.

K.Çen texnologiyanın pandemiyanın aradan qaldırılmasında vacib rol oynadığını bildirib: "İndiki dövrdə texnologiyanın mahiyyətini almamaq mümkün deyil. Amma onu da aydın başa düşməliyik ki, bir texnologiya COVİD-19 və onunla əlaqəli problemlərdən qurtulmaq üçün kifayət qədər inkişaf etməyib. Yeni dərmanlar və vaksinləri araşdıraraq səhiyyə sahəsinə daxil olmalıyıq. Müasir dünyada fantastik rabitə şəbəkəmiz var. Amma indi də pandemiya bir çox çatışmazlıqları ortaya qoyur”.

Huawei rəsmisi dünyada və Çində müşahidə olunan problemlərdən də söz açıb: "Şəbəkə bağlantılarına və ümumi media sahələrinə tələbat bir qədər artdığından, Netflix və YouTube kimi platformalar video ötürmə sürətini azaltmaq məcburiyyətində qaldı. Bəzi ölkələr, hətta öz vətəndaşlarının şəbəkə təzyiqlərini azaltmaq üçün internetə çıxış müddətini məhdudlaşdırmalarını təklif etdilər. Çinin bəzi kənd yerlərində, hətta tələbələrin onlayn siniflər üçün kifayət qədər güclü bir siqnal almaq üçün dağlara necə dırmandığını gördük".

Problemlərdən danışan Çen çatışmamazlıqların həllini təqdim edib. 

“Yalnız sıx əməkdaşlıq və həmkarlıq mühitinin yaradılması sayəsində texnoloji tərəqqinin faydalarını tam şəkildə istifadə edə biləcəyik!”, – deyə o qeyd edib.

Fatimə ZÜLFİQAR