AZ

Beyin hüceyrələrini koronavirusdan qorumaq üsulu tapıldı

Beyin-koronavirus
02.06.2020 23:54

Kaliforniya Universitetinin professoru Elison Muotrinin rəhbərliyi altında yerinə yetirilən yeni tədqiqatda neyrofizioloqlar və molekulyar bioloqlar aydınlaşdırıblar ki, Hepatit C virusunun müalicəsi üçün istifadə olunan “Sofosbuvir” adlı preparat beyin hüceyrələrini koronavirusdan qoruyur.

 

TED.az Rusiya mətbuatına istinadən xəbər verir ki, tədqiqatçılar kök hüceyrələrindən kiçik beyin nümunələri yetişdiriblər.

 

“Sofosbuvir”in tətbiqindən sonra virusa yoluxmuş hüceyrələrin sayı azalıb. Həmçinin sinir sonluqlarının işində SARS-cov-2-nin səbəb olduğu pozuntular aradan qaldırılıb.

 

Alimlərin fərziyyələrinə görə, preparat COVID19-a yoluxmuş insanlarda ensefalopatiya (beyinin qeyri-iltihabi xəstəlikləri), epilepsiya tutmaları və hallüsinasiyanı aradan qaldırmaq imkanına malikdir. O, həmçinin xəstələri iy və dadbilmə hissinin itməsindən qoruya bilər.

KORONAVİRUS bölməsindən digər xəbərlər

Daha çox