VKontakte sosial şəbəkəsi yeni "Kliplər" adlı xidmətini istifadəyə verdiyini elan etdi. Proqram genişlənmiş reallıq effektləri olan qısa şaquli videolar xidmətidir. Əslində, bu xidmət məşhur TikTokun rus analoqu hesab olunur. 

TED.az xarici mediaya istinadən xəbər verir ki, xidmətin alətlərindən istifadə edərək xüsusi bacarıqlara və bahalı avadanlıqlara sahib olmayan istənilən istifadəçi peşəkar səviyyəyə yaxın kontent yarada biləcək. Əsas məqam jestləri idarə etmək bacarığıdır. Proqrama effektlər əlavə edə bilər və jestlərlə yazmağı başlaya/dayandıra bilərsiniz.

Tezliklə "Kliplər" VK mobil tətbiqlərinin bütün istifadəçiləri üçün əlçatan olacaq. İstifadəçinin ilk videolarını dostlar və abunəçilər görəcəklər. Tövsiyə platforması daha geniş auditoriyaya çatmağa imkan verəcək. Alqoritm istifadəçinin maraqlarını və sevdiyi məzmun formatlarını, o cümlədən, şərh etdiyi videoları dostlarına göndərdiyini və ya "Bəyəndim" işarəsini dəstəklədiyini nəzərə alaraq bir çox parametrləri özündə əks etdirir. 

Qeyd edək ki, TikTok xidməti hazırda yüksəlişdədir. TikTok və çinli əkizi sayılan Douyin, YouTube, Tinder və Netflix-i qabaqlayaraq 2020-ci ilin aprel ayında gəlirləri ilə mobil tətbiqetmələr arasında dünyada birinci yeri tutub. 

Xatırladaq ki, bu ilin ilk rübündə TikTok və Douyin 315 milyon dəfə yüklənib.