WhatsApp-da ləğv edilən qısa yol yenidən bərpa olunub. 

TED.az Türkiyə mətbuatına istinadən xəbər verir ki, Messenger Rooms-un WhatsApp-a inteqrasiyası zamanı tətbiqdəki kamera qısa yolu ləğv edilmişdi. Ancaq istifadəçilərin narazılığını nəzərə alaraq funksiya yenidən bərpa olunub.  

WABetaInfo tərəfindən aşkar edilən dəyişiklik tətbiqin 2.20.194.11 versiyasında qarşımıza çıxır. Kamera qısa yolu sayəsində qarşı tərəfə sürətli şəkildə foto göndərmək mümkündür. 

Videozəng xüsusiyyətinin çox istifadə edilmədiyini düşünsək, WhatsApp-ın verdiyi bu yanlış qərara düzəliş etməsi sevindiricidir. 

Bundan əlavə, qeyd etmək yerinə düşər ki, WhatsApp qruplarındakı “oxundu” problemi hələ də həll olunmayıb.