AZ

Ölkəmizdə domen adlarının milli inzibatçısı müəyyənləşdi

106451715_1124728854580803_4182061852988145920_n
29.06.2020 12:50

Milli Məclisin bu gün keçirilən iclasında "Telekommunikasiya haqqında" qanunda dəyişiklik edilməsi barədə məsələ üçüncü oxunuşda müzakirəyə çıxarılıb.

 

TED.az-ın məlumatına görə, qanuna iki yeni maddənin əlavə edilməsi təklif olunur.

 

Təklifə əsasən, qanuna aşağıdakı məzmunda 1.0.20-ci maddə əlavə edilir:

 

"1.0.20. domen adlarının milli inzibatçısı - "az" ölkə kodlu yüksək səviyyəli domen zonasında domen adlarının inzibatçılığını həyata keçirən səlahiyyətli şəxs".

 

Bundan əlavə qanuna aşağıdakı məzmunda 7.10-1 -ci maddə əlavə edilir:

 

"7.10-1. "az" ölkə kodlu yüksək səviyyəli domen zonasında domen adlarının qeydiyyatı və onlara texniki xidmət üzrə ödənişin məbləği müvafiq icra hakimiyyəti orqanının müəyyən etdiyi orqan (qurum) ilə razılaşdırılmaqla, domen adlarının milli inzibatçısı tərəfindən müəyyən edilir".

 

Müzakirələrdən sonra dəyişikliklər səsə qoyularaq qəbul edilib.

e-Azərbaycan bölməsindən digər xəbərlər

Daha çox