“Bentley” brendi 2025-ci ilə qədər, əvvəllər buraxılmış bütün avtomobil modellərini elektrikləşdirmək planlarını açıqlayıb.

TED.az xarici mətbuata istinadən xəbər verir ki, son vaxtlar elektrik qurğularından istifadə etməklə avtomobillərin hazırlanması xeyli irəliləyib. İlk hibrid model kimi məşhur krossover “Bentley Bentayga” çıxış edəcək. Başlanğıcda, elektrik modifikasiyasının satışı yalnız Amerika bazarı üçün mümkün olacaq. Bununla yanaşı, 2023-cü ilədək buraxılan bütün avtomobillər hibrid qurğusu ilə komplektasiya alacaqlar.

Şirkət müasir bazarda ən aktual olan hibrid modellərin meydana gəlməsi ilə əhəmiyyətli dərəcədə yeni alıcılar cəlb etməyi düşünür. Dünyada elektrokarların satışının az olmasına baxmayaraq, “Bentley” bazarın bu sahəsinin genişləndirilməsində maraqlıdır.