Rusiyanın Moskva vilayətindəki qarğıdalı tarlasına təyyarənin məcburi enişini həyata keçirən “Ural Hava Yolları”nın pilotları Prezident Vladimir Putinin qərarı ilə “Rusiyanın Qəhrəmanı” adına layiq görülüblər. 

ᅠ

TED.az xəbər verir ki, Putin Azərbaycan əsilli olduğu iddia edilən təyyarə komandiri Dəmir Yusupovun və  ikinci pilot Georgi Murzinın “Rusiya Qəhrəmanları” adına layiq görüldüyünü, qalan ekipaj üzvlərinə "Cəsarət" ordeni verildiyini açıqlayıb.

Dövlət başçısı, Təhlükəsizlik Şurasının daimi üzvləri ilə birgə keçirilən görüşdə "Mən, Jukovski hava limanında təcili sərt eniş edən təyyarənin ekipajına mükafat verilməsi haqqında sərəncam imzaladım", - deyə qeyd edib.