Hər birimizin həyatında müstəsna yer tutan və gündəlik həyatımızın ayrılmaz hissəsinə çevrilən texnologiyalar... Texnologiyanın insanlara çox böyük faydaları olduğunu bilirik. Bəziləri nə qədər də “əşi, heyif deyildi köhnə vaxtlar, hamı oturardı bir yerdə, deyərdi, gülərdi indi hamı əlinə bir telefon alıb düşüb ortaya”, - desə də çox insanın həyatını, ümumiyyətlə, bəşəriyyəti texnologiyasız təsəvvür etmək mümkün deyil.

Texnologiya haqqında kiçikdən böyüyə hər kəs müxtəlif fikirlər səsləndirib. Bəs görəsən dünyaca məşhurlar texnologiya haqqında nə düşünür?

TED.az sizə məşhur şəxslərin texnologiyaya dair söylədiyi fikirləri təqdim edir:

“Qorxuram ki, bir gün texnologiya insan ünsiyyətinin və yaxınlaşmasının önünə keçəcək və nəticədə  axmaq bir nəsil ortaya çıxacaq” – Albert Eynşteyn

“Texnologiya sayəsində hər kəsin qapısı böyük bir pəncərəyə çevrilə bilər” – Daniel Palmer

“Mikrokompüterlə məşğul olmaq uçurumun yaxınlığında saatda 90 kilometr sürətlə getmək kimidir” – George Morrow

“Hər gün bir parçamızı tükədən texnologiya çağında sevgiyə ən son nə zaman ürəkdən “Salam” demişik, xatırlayanınız var?” – İskender Pala

“Yeni bir texnologiya bəzən dağıtdıqlarından daha çoxunu yaradar, yaratdıqlarından daha çoxunu da dağıdar. Amma heç vaxt tək yönlü olmaz” – Neil Postman

“Ola bilməz! İnsanlar özləri özlərinin aləti olurlar” - Henry David Thoreau

“Kompüter inqilabı dünya tarixindəki ən yüksək inqilabdır, gülməli məqam odur ki, onun təsirlərini hələ də dəyərləndirmirik” – Herman Kahl

“Texnologiya zəkamızın bir parçası olaraq bizə dəstək olan vasitədir” – Steven Jobs

“Texnologiya zamanın axmasına imkan verən əsas qüvvədir və keçmişdə olduğu kimi indi və gələcəkdə də ona sahib olanlar qazanan tərəf olacaq” –  Mark Manson

“Texnologiya pis bir şey deyil. Əgər həyatdan gözləntiniz bəllidirsə, texnologiya o gözləntiyə nail olmaq üçün sizə kömək edəcək. Amma həyatdan nə gözlədiyinizi bilmirsinizsə, məqsədlərinizi formalaşdırmaq və həyatınızı idarə etmək texnologiya üçün asandır. Xüsusilə də texnologiya insanları daha yaxşı başa düşdükdə, o sizə xidmət edəcəyi halda, siz ona xidmət etmiş olacaqsınız. Üzləri telefon ekranına yapışmış şəkildə küçədə gəzənləri görürsünüz? Sizcə onlarmı texnologiyanı idarə edir, yoxsa texnologiya onları?” – Yuval Noah Harari

Fidan ƏSƏD