AZ

Peşə məktəblərinə qəbulda 336 nəfər Kompüter operatoru ixtisasını seçib

22.08.2019 11:50

Avqustun 21-də 2019-2020-ci tədris ili üzrə peşə təhsili müəssisələrinə sənəd qəbulunun nəticələri açıqlanıb. Nəticələrə görə, 8 808 nəfər peşə təhsili müəssisələrinə qəbul olunub.

 

TED.az xəbər verir ki, qəbul olan tələbələrdən Telekommunikasiyada kompüter texnikasının istismarı üzrə operator ixtisasını 180 nəfər, Kompüter operatoru ixtisasını 336 nəfər, Rəqəmli idarəolunan dəzgahların kompüter operatoru ixtisasını 24 nəfər, Kompüter ustası ixtisasını 163 nəfər abituriyent seçib.

 

Qeyd edək ki, ixtisas seçimindən müvəffəqiyyətlə keçən şəxslər təhsil haqqında sənədin əsli, tibbi arayış, şəxsiyyət vəsiqəsi (surəti), 3x4 sm. ölçüdə 4 ədəd fotoşəkil və hərbi mükəlləfiyyət barədə sənədi (hərbi mükəlləfiyyətlilər) 22-27 avqust tarixlərində qəbul olunduqları peşə təhsili müəssisəsinə təqdim etməlidirlər.

 

Zeynəb ƏKBƏR

Elm bölməsindən digər xəbərlər

Daha çox