Hazırda texnikanın böyük istehsalçıları iri diaqonallı və ağıllı opsiyalara malik firma televizorlarını fəal şəkildə işləyib hazırlayırlar.

TED.az xarici mətbuata istinadən xəbər verir ki, son vaxtlar Çin modeli Honor Smart Screen uğurla satılır, lakin onun ardınca Çin nəhəngi Redmi-dən yeni bir ağıllı TV istehsalı planlaşdırılır. Bununla belə, bu qurğular yaxın yeniliklərin tam siyahısı deyil, çünki insayderlər OnePlus TV modelinin tezliklə görünəcəyini proqnozlaşdırırlar.

İstehsalçılar təqdimatın dəqiq tarixi barədə sussalar da, yeniliyin sentyabrın 26-da flaqman smartfonlarının təqdimatına həsr olunmuş tədbir çərçivəsində göstəriləcəyi təxmin edilir. Yeni televizor haqqında ətraflı məlumat hələ açıqlanmayıb.