Qunnar Panke: Nara daxil olan müraciətlərin 94,7%-i bir dəqiqə ərzində cavablandırılıb
“Son 6 ay ərzində mobil operatorun sosial şəbəkələri vasitəsilə abunəçilər tərəfindən 115 mindən çox müraciət daxil olub. Sosial şəbəkələr vasitəsilə daxil olmuş müraciətlərin 94,7%-i bir dəqiqə ərzində cavablandırılıb”, - bunu Nar mobil operatorunun yarım ilin nəticələrinə dair mətbuat konfransında Azerfon-un baş icraçı direktoru Qunnar Panke deyib.
Qunnar Panke bildirib ki, Nar abunəçilərinə Çağrı Mərkəzləri, nar.az internet səhifəsi ilə yanaşı, sosial media vasitəsilə də yüksək keyfiyyətli və operativ müştəri xidmətləri göstərməkdə davam edir: “Bu ilin 6 ayı ərzində mobil operator ikiqat internetdən istifadə və daha çox ünsiyyət qurma imkanı verən “CavanNar” tarifini, eləcə də xaricə səyahət etmək istəyən abunəçiləri üçün sərfəli rominq paketləri təqdim edib. Müştərilərə göstərdiyimiz yüksək keyfiyyətli xidmət sayəsində 2 il ərzində ilk dəfə olaraq müştəri loyallığı indeksi üzrə mobil operatorlar arasında Nar birinci olub”.