AZ

Huawei smartfonlarda Harmony ƏS-dən istifadə etmək istəmədiyini israrla bildirir

23.08.2019 14:31

Lakin məcbur olduğu təqdirdə bunu edəcək

 

Huawei şirkəti yaxın gələcəkdə smartfonlarında Harmony ƏS-dən istifadə etmək niyyətində olmadığını israrla bildirməyə davam edir.

 

TED.az xarici mətbuata istinadən xəbər verir ki, şirkətin vitse-prezidenti Vinsent Yanq (Vincent Yang) Nyu-Yorkda keçirilən mətbuat konfransında Huawei-in bir standart və bir ekosistemi dəstəkləmək istədiyini, Harmony ƏS-nin ehtiyat variantda saxlamaq istədiyini söyləyib.

 

Həmçinin qarşıda gözlənilən Mate flaqmanları bütün vəziyyətlərə baxmayaraq, Android nəzarəti altında işləyəcəklər, hərçənd əvvəllər hesab edilirdi ki, bu cihazlar sanksiyaların tətbiqi zamanı sertifikatlaşmadan keçməyə imkan tapmadıqları üçün Google əməliyyat sistemini ala bilməyəcəklər. Bununla yanaşı, Yanq qeyd edib ki, qadağa gözlənilsə, hər şey dəyişə bilər.

 

Ehtimal var ki, Harmony ƏS smartfon seqmentinə çıxmadan belə, gələn ilin sonuna qədər bütün əməliyyat sistemləri bazarının 2%-ni tuta bilər.

Texnologiya bölməsindən digər xəbərlər

Daha çox