AZ

Azərbaycan internetin nüfuz səviyyəsinə görə Cənubi Qafqazda liderdir

23.08.2019 17:48

Azərbaycanda internetin nüfuz səviyyəsi 79% təşkil edib.

 

TED.az xəbər verir ki, bu barədə Beynəlxalq Statistika Təşkilatının (Internet World Stats - IWS) dərc etdiyi qlobal şəbəkə istifadəçilərinin sayına dair hesabatda deyilir.

 

Hesabat məlumatına görə, Azərbaycanda internet istifadəçilərinin sayı 7,91 milyon təşkil edir.

 

Əhali arasında internetin yayılması baxımından Cənubi Qafqaz və Orta Asiya ölkələri sırasında Azərbaycan, Gürcüstanı, Ermənistanı, Qazaxıstanı, Özbəkistanı, Qırğızıstanı, Tacikistanı və Türkmənistanı qabaqlayır.

 

IWS hesabatına əsasən Cənubi Qafqaz və Orta Asiya ölkələri arasında 17,1 milyondan çox internet istifadəçi sayı ilə birinci yerdə Özbəkistan qərarlaşıb. Cənubi Qafqaz və Orta Asiya ölkələri üzrə göstəricilərdə Qazaxıstan 2-ci, Azərbaycan 3-cü  yerdə qərarlaşıb.

 

Qeyd edək ki, statistika məlumatları bu ilin 30 iyun tarixinədək hesablanıb.

e-Azərbaycan bölməsindən digər xəbərlər

Daha çox