EXA İnfrastruktur (EXA) EXA Trans Adriatic Express (TAE) sualtı kabel sistemində Infinera şirkətinin ICE6 800G koherent optik həllini tətbiq edib.

 

TED.az bu barədə Infinera şirkətinə istinadən xəbər verir.

 

TAE EXA Infrastructure və Trans Adriatic Pipeline AG (TAP) konsorsiumunun birgə müəssisəsi olub, İtaliya, Yunanıstan və Türkiyə arasında etibarlı fiber optik infrastruktur təmin etmək üçün nəzərdə tutulub.

 

Məlumata görə, EXA özünün TAE müasir kabel kanalında buraxılış zolağına sürətlə artmaqda olan tələbatı qarşılamağa kömək etmək üçün ICE6 bazasında Infinera həllini seçib. Infinera ICE6 optik modulları unikal funksiyalardan istifadə, o cümlədən, yüksək detallaşdırılmış məlumatötürmə sürətinin konfiqurasiyası hesabına EXA kimi sualtı şəbəkə operatorlarını sahə üzrə ən yaxşı buraxılış qabiliyyəti ilə təmin edir.

 

Qeyd edək ki, Trans-Adriatik boru kəməri Xəzər dənizi hövzəsindən təbii qazı Avropaya tədarük edir. İlkin buraxılış qabiliyyəti ildə 10 milyard kubmetr olmaqla, 20 milyard kubmetrədək artırılması mümkündür.