AZ

Pilotsuz aerotaksi startapına 81 milyon avro investisiya cəlb edildi

10.09.2019 11:00

Pilotsuz aerotaksi hazırlayan Almaniyanın Volocopter (E-volo) startapı layihəyə yeni investor cəlb edib.

 

TED.az xarici mətbuata istinadən xəbər verir ki, Çinin Geely Holding şirkətlər qrupu layihəyə 50 milyon avro investisiya ayırıb. Volvo və Geely avtomobil markalarının sahibi olan şirkət bununla layihənin ən böyük investoruna çevrilib.

 

Həmçinin E-volo startapının investorları sırasında ABŞ və Avropa şirkətləri, o cümlədən, İntel və Daimler avtomobil zavodları var.

 

Yarandığı vaxtdan, 2011-ci ildən bəri Volocopter 81 milyon avrodan çox maliyyə vəsaiti yığıb.

 

Volocopter bu vəsaiti hava taksisi ilə reallaşacaq kommersiya uçuşları üçün hazırlıq işlərinə xərcləyəcək. Sazişin bir hissəsi kimi, startap və Geely Çində hava nəqliyyatı üçün ekosistem yaradacaq.

 

VoloPort aerotaksi üçün uçuş-eniş meydançası

 

 

Volocopter 2019-cu il avqustun 21-də ilk aerotaksisini – VoloCity-ni təqdim edib. Şirkət nümayəndələrinin dediyinə görə, VoloCity saatda 110 km sürətlə 35 km-ə qədər məsafədə iki nəfəri daşıya bilər.

 

Avqustun sonlarında şirkət Helsinki Hava limanında prototiplərindən birinin sınaq uçuşunu keçirib.

Startaplar bölməsindən digər xəbərlər

Daha çox