AZ

Pambıq yığımına 125 ədəd Belarus-80X tipli traktor cəlb olunub

77055a755f6512c54e03d341e6c86d55.jpg
10.09.2019 11:49

“Növbəti həftədən etibarən “Aqrolizinq” ASC-nin rayon bölmələrinin istifadəsində olan müasir tipli 123 kombayn vasitəsi ilə yığım həyata keçiriləcək. Eyni zamanda, pambıqçılıq sahəsində fəaliyyət göstərən iri şirkətlər tərəfindən də 288 pambıqyığan kombayn yığıma cəlb olunacaq. Hazırda istifadədə olan 411 kombayn vasitəsi ilə 100 000 hektardan çox olan pambıq sahəsində yığımın təşkil olunmasında heç bir çətinlik yaşanmayacaq”.

 

TED.az xəbər verir ki, bunu “Aqrolizinq” ASC-nin İdarə Heyətinin sədri Elmin Rəhmanov Mətbuat konfransında çıxışı zamanı deyib.

 

Cəmiyyətin sədri əlavə edib ki, yığım prosesi ilə yanaşı, məhsulun daşınması da vacib amillərdəndir: “Bunun üçün “Aqrolizinq” ASC tərəfindən 125 ədəd “Belorus-80X” tipli traktor, 220 ədəd qoşqu vasitəsi ilə yığılmış pambığın operativ şəkildə itkisiz daşınması həyata keçiriləcək”.

TED + bölməsindən digər xəbərlər

Daha çox