AZ

Türk həkim xərçəngin müalicəsində yeni üsul kəşf etdi

10.09.2019 12:06

Almaniyanın Köln şəhərində yaşayan türk həkim Yadigar Gənc tədqiqat qrupu ilə birlikdə xərçəng xəstəliyinə qarşı immunoterapiya üsulu ilə yeni bir müalicə texnikası kəşf edib.

 

TED.az Türkiyə mətbuatına instinadla xəbər verir ki, Immun-Onkologisches mərkəzindəki (IOZK) tədqiqat qrupu daxilində fəaliyyət göstərən Yadigar Gənc fərdə istiqamətlənmiş müalicə üsulu ilə xərçənglə mübarizədə müvəffəqiyyət nisbətini əhəmiyyətli dərəcədə artırdıqlarını bildirib.

 

 

Y.Gənc Avropa dərmanların keyfiyyətinə nəzarət şöbəsinin icazə verdiyi üsulla xərçəngin müalicəsində xəstəyə xüsusi terapiya tətbiq etdiklərini söyləyib: “Xəstənin öz qanından istehsal etdiyimiz "mübarizə hüceyrələri"ni laboratoriya şəraitində həssas hala gətirib onlara müəyyən xərçəng proteinləri yüklədik. Eyni zamanda onkolitik viruslardan istifadə edərək hüceyrəni xəstəyə peyvənd şəklində vurduq”.

 

Həkim-onkoloq bildirib ki, bu üsul hədəf istiqamətli və az əks təsirli olduğu üçün son zamanlar xərçəng xəstəliklərinin müalicəsində effektivliyi ilə seçilir, nüfuzlu həkimlər tərəfindən qəbul edilir.

 

Y.Gənc xəstəliyin erkən diaqnozu zamanı yeni müalicə metodunun nəticələrinin daha uğurlu olduğunu vurğulayıb.

 

Immun-Onkologisches mərkəzinin rəhbəri doktor Uilfred Stüker isə xəstənin immun sisteminin güclü olmasının xərçəng müalicəsində çox əhəmiyyətli olduğunu söyləyib. O, müalicənin effektivliyinin immunitetin gücü ilə müsbət korrelyasiya təşkil etdiyini qeyd edib.

Elm bölməsindən digər xəbərlər

Daha çox