Kosmik məkanın tədqiqatçıları Mars və Yerin oxşarlıqları və fərqləri üçün axtarışların davam etdiyini bildiriblər. Mütəxəssislər hesab edirlər ki, bu, Yer sakinlərinin Qırmızı planetə ciddi bir missiya planlaşdırdıqları indiki dövrdə xüsusilə vacibdir.

TED.az xarici mətbuata istinadən xəbər verir ki, Marsın öyrənilməsi ilə astronomlar artıq bir neçə ildir ki, məşğul olurlar. Bu müddət ərzində onlar bu planet haqqında bir çox yeni məlumatlar əldə edə biliblər. Məlumdur ki, Qırmızı planetdə çox quraqlıqdır. Bununla yanaşı, ekspertlər buz və ya əbədi donmuş vəziyyətdə olsa belə, su olduğuna inanırlar. Bu yaxınlarda mütəxəssislər qeyd ediblər ki, Marsda olivin var. Planetimizdə də oxşar minerallar var ki, bu da ekspertləri çox təəccübləndirib.

Astronomiya sahəsindəki mütəxəssislər güman edirlər ki, bu mineralın yataqları Marsın səthində quraqlıq vəziyyətinin üstünlük təşkil etməsinə keçidin məhz nə zaman baş verdiyini anlamağa kömək edəcək. Onlar həm də iqlim dəyişikliyinin səbəbinin nə olduğunu aydınlaşdırmaq istəyirlər.