AZ

Rəqəmsal ödənişlər mobil telefonlar vasitəsilə də həyata keçiriləcək

10.09.2019 14:30

“Visa Token xidməti rəqəmsal ödənişlərin ödəniş kartları ilə yanaşı, müxtəlif vasitələr, o cümlədən mobil telefonlar vasitəsilə həyata keçirilməsinə, ödəniş kartları ilə aparılan əməliyyatlarda məlumatların emalı üzrə təhlükəsizlik səviyyəsinin yüksəldilməsinə, daha innovativ həllərin tətbiqinə imkan verəcəkdir”.

 

TED.az xəbər verir ki, bunu Visa Token xidmətinin istifadəyə verilməsinə həsr olunmuş mətbuat konfransında Maliyyə Bazarlarına Nəzarət Palatasının Maliyyə bazarlarının infrastrukturuna nəzarət idarəsinin rəisi Tamerlan Rüstəmov deyib.

 

 

Tamerlan Rüstəmov bildirib ki, Maliyyə Bazarlarına Nəzarət Palatası bu layihənin ölkəmizdə tətbiqini ilkin mərhələdən xüsusi diqqətdə saxlayır: “Ölkədə nağdsız cəmiyyətin formalaşmasında və rəqəmsal ödənişlərin inkişafında Visa Token xidməti mühüm rol oynayacaq. Bu xidmətin rəqəmsal ödənişlərin təhlükəsizlik və effektivlik səviyyəsinin yüksəldilməsi baxımından mühüm əhəmiyyət kəsb edəcək. Rəqəmsal ödənişlər sahəsində qanunvericilik bazasının təkmilləşdirilməsi məqsədilə ödəniş xidmətləri haqqında qanun layihəsi hazırlanıb. Artıq bu layihə bir neçə aidiyyəti dövlət qurumları ilə razılaşdırılıb. Hazırda yekun mərəhlədədir. Yeni qanun layihəsi banklar və fintech-lər arasında qarşılıqlı əməkdaşlığı daha da möhkəmlənməsinə, maliyyə sistemində yeni məhsulların, yeni iştirakçıların yaranmasına imkan verəcəkdir”.

 

Zeynəb ƏKBƏR

e-Azərbaycan bölməsindən digər xəbərlər

Daha çox