Alibaba Group-un sədri Jack Ma bu gün vəzifəsindən gedir. TED.az xəbər verir ki, Jack Ma üçün 80 min nəfərlik Hangzhou Olimpiya Stadionunda vida mərasimi təşkil olunacaq.

Alibaba Group-da Jack Manın vəzifəsini Daniel Zhang davam etdirəcək.

Jack Ma sədr vəzifəsini tərk etsə də Alibaba-nın Müşahidə Şurasında qalacaq. Ma keçid prosesinin problemsiz yaşanması və çatışmazlıqların qarşısının alınması üçün daha bir il də şirkətdə çalışacaq.

Keçmişdə İngilis dili müəllimi olan Jack Ma Alibaba-nı 20 il əvvəl Hangzhou şəhərində kiçik bir mənzildə qurmuşdu.