AZ

Yadigar Cəfərli: Nağdsız ödəniş aparmaq üçün kart gəzdirməyə ehtiyac qalmadı

10.09.2019 19:02

“Azərbaycanda ilk dəfə olaraq məhz bu gün POS terminalda ödənişin plastik kartla yox, mobil telefonla həyata keçirilməsi mümkün oldu. Nə vaxtsa bankçılıq tariximizi araşdıranlar bu faktı xüsusi qeyd edəcəklər”.

 

TED.az xəbər verir ki, bunu Azərbaycan Beynəlxalq Bankının Mətbuat xidmətinin rəhbəri Yadigar Cəfərli deyib. 

 

“Sadə şəkildə deyim ki, bundan sonra nağdsız ödəniş aparmaq üçün kart gəzdirməyə ehtiyac qalmayacaq. Sadəcə mağazada, kafe-restoranda, başqa ticarət və xidmət yerlərində ödəniş etmək üçün mobil telefonu POS terminala tərəf yaxınlaşdırmaqla nağdsız qaydada ödəniş həyata keçirmək mümkün olacaq”, - deyə Y.Cəfərli bildirib.


Beynəlxalq Bankın Mətbuat xidmətinin rəhbəri hesab edir ki, bu yenilik ölkəmizdə nağdsız ödəniş ənənələrinin genişlənməsinə xeyli kömək edəcək: “Belə bir mükəmməl texnologiyanı ölkəmizə gətirən Azərbaycan Beynəlxalq Bankıdır”.

 

Ceyhun ABASOV

Texnologiya bölməsindən digər xəbərlər

Daha çox