Dövlət Şəhərsalma və Arxitektura Komitəsi dövlət büdcəsində nəzərdə tutulmuş vəsait hesabına “Şəhərsalma və tikinti fəaliyyətinin vahid informasiya təminatı sisteminin yaradılması” işlərinin satın alınması üzrə aşağıdakı lotlardan ibarət açıq tender keçirir:

Lot 1. “Şəhərsalma və tikinti fəaliyyətinin vahid elektron məlumat sisteminin yaradılması”;

Lot 2. “Şəhərsalma və tikinti fəaliyyətinin idarədaxili informasiya sistemlərinin yaradılması”.

TED.az xəbər verir ki, hər iki lot üzrə tələb olunan işlər müəyyən olunmuş qrafik əsasında 6 ay ərzində hazırlanaraq Dövlət Şəhərsalma və Arxitektura Komitəsinə təqdim edilməlidir. İddiaçılar texniki və maliyyə təkliflərindən ibarət tender təklifini 3 oktyabr 2019-cu il tarixində yerli vaxtla saat 18:00-dək Dövlət Şəhərsalma və Arxitektura Komitəsinə təqdim etməlidirlər. İddiaçıların tender təklifləri olan zərflərin açılışı 4 oktyabr 2019-cu il tarixində yerli vaxtla saat 16:00-da Bakı şəhəri, Füzuli küçəsi, 65 ünvanında, Komitənin iclas zalında Tender komissiyasının iclasında PORTAL üzərindən keçiriləcəkdir.

Tenderdə iştirak haqqı hər lot üzrə 500 manatdır.

Əlavə məlumat almaq üçün (012) 493-34-67 (daxili 182) nömrəli telefonla əlaqələndirici şəxs Elçin Kazımlıya müraciət oluna bilər.