AZ

Yüksək bal toplayan əkiz qardaşlar mühəndislik ixtisasını seçdilər

11.09.2019 11:21

2019/2020-ci tədris ili üçün ali məktəblərə keçirilən qəbul imtahanlarında I qrup üzrə yüksək bal toplayan Rəşad (679.3 bal) və Rəşid Azadlı (663 bal) qardaşları Bakı Ali Neft Məktəbinin (BANM) Neft-qaz mühəndisliyi ixtisasını seçiblər.

 

BANM-dan TED.az-a verilən məlumata görə, neft-qaz sənayesinə maraq atalarının uzun illər SOCAR-ın Qaz İxrac İdarəsində işləməsi ilə yaranıb. Bununla belə, valideynləri onların ixtisas seçimlərinə heç bir müdaxilə etməyiblər. Onlar ixtisasları üzrə Bakı Ali Neft Məktəbində peşəkar ingilisdilli mühəndis kimi yetişəcəklərinə əmindirlər.

 

 

Rəşad deyir ki, əkiz olduqları üçün maraq dairələri də eynidir. Hər ikisi tennis oynamağı çox sevirlər. Əkizlər BANM-də eyni ixtisasla yanaşı, həm də eyni qrupda təhsil alacaqlar.

 

Hər iki qardaş Bakı şəhəri 147 saylı Texniki Humanitar liseyin məzunudurlar.

 

Rəşad Azadlı 2019/2020-ci tədris ilində tələbə qəbulu imtahanlarında I ixtisas qrupu üzrə yüksək nəticə göstərən abituriyentlərdən biri kimi Prezident təqaüdünə layiq görülüb.

 

Qeyd edək ki, yeni tədris ilində, ümumilikdə, 23 BANM tələbəsi Prezident təqaüdü alacaq.

Elm bölməsindən digər xəbərlər

Daha çox