Bir qrup alim yeniyetmələrin internetdən asılılığının artmasına nələrin səbəb olduğunu, bu problemin nə ilə özünü biruzə verdiyini və bunun hansı nəticələr göstərəcəyini öyrəniblər.

TED.az xəbər verir ki, alimlərin araşdırmasına görə, internet asılılığı özünü bu simptomlarla büruzə verib: müəyyən fəaliyyət sahələrinə marağın azalması, şəbəkənin olmaması ilə əlaqədar narahatlıq, özünü idarəetmə ilə bağlı problemlər, keçmiş hobbilərindən imtina, sosial dairələrin azalması və s.

Ekspertlər, həmçinin vurğulayırlar ki, bu simptomlar dolayı yollarla internet asılılığının göstəricisi olmasına baxmayaraq, internetin, psixoloji problemlərin səbəbi kimi, yalnız həkimlər sübut edə bilər. Aimlər onu da qeyd edirlər ki, internetdə həddən artıq vaxt keçirmənin səbəbi depressiya, həyəcan, aqressiya, diqqət əskikliyi, sosiofobiya və s. ola bilər.

İnternet asılılığına meyilliliyin nə ilə əlaqəli olduğunu öyrənmək üçün, elm adamları əkizlərin və müxtəlif etnik qrupların nümayəndələrinin iştirakı ilə əvvəllər aparılan bir sıra araşdırmaları təhlil ediblər. Məlum olub ki, internetdən asılılıq da genetik ola bilər, lakin burada əsas rolu ailə, sosial  və mədəni faktorlar oynayır. Bundan başqa, hər şey yaşdan asılıdır-yeniyetmələrin internetə həddən artıq bağlılığının “böyümə” ehtimalı çoxdur.