TED.az-ın məlumatına görə, Beynəlxalq Telekommunikasiya İttifaqı tərəfindən təsis edilən “İnformasiya Cəmiyyəti üzrə Ümumdünya Sammiti – 2019 Mükafatları” tədbirində "Çempion layihə" mükafatı Azərbaycan nümayəndə heyətinə təqdim olunub. Ölkəmizə uğur qazandıran layihə məlumat verdiyimiz kimi, Heydər Əliyev Fondunun təşəbbüsü ilə Məlumat Hesablama Mərkəzinin mütəxəssisləri tərəfindən hazırlanan “Danışan kitabxana” layihəsidir. 

Müsabiqəyə Azərbaycanla yanaşı müxtəlif ölkələrdən 1140 elektron layihə təqdim olunub. Təşkilatçılar tərəfindən yoxlanılan layihlərdən 1062-si səsvermə mərhələsinə iştiraka buraxılıb. 18 nominasiya üzrə 72 “Çempion layihə” seçilib.

Xatırladaq ki, “Danışan kitabxana” layihəsi "Bakutel" sərgisində Prezident İlham Əliyevə və birinci vitse-prezident Mehriban Əliyevaya təqdim olunub. 

Qeyd edək ki, "Danışan kitabxana" layihəsindən başqa Nəqliyyat, Rabitə və Yüksək Texnologiyalar Nazirliyinin müsabiəyə təqdim etdiyi "Dataforce" layihəsi də "Çempion layihə" mükafatı qazananlar arasındadır.