Təkmilləşdirilmiş parametrlər və dəbli dizayn əldə etmiş Nokia 7.2 smartfonunun yeni modeli üçün sifarişlərə start verilib.

TED.az xarici mətbuata istinadən xəbər verir ki, istehsalçı yeniliyi 6,3 düymlük təkmilləşdirilmiş ekranla təchiz edib, onun yuxarı hissəsində 20 Mp sensorlu ön kamera quraşdırılıb. Nokia 7.2-ni 350 dollar satış qiymətinə ABŞ bazarında əldə etmək mümkün olacaq. Gələcəkdə şirkət məhsulunun digər bazarlara çıxarılmasında da maraqlıdır.

Təklif olunan yeniliklərin əsas üstünlüklərindən biri 48 Mp modullu əsas kamera olacaq. İstehsalçılar qaceti inkişaf etmiş səkkiz nüvəli Snapdragon 660 çipi və 4 GB RAM ilə təchiz ediblər. Həmçinin bildirilir ki, fləş yaddaşın ölçüsü 128 GB təşkil edəcək. Smartfonun batareyası 3500 mAs gücündə çalışacaq.