Gələn il Tata Motors yeni bir transmissiyalı elektromobilin istehsalına başlayacaq
Şirkət batareyaları səkkiz illik zəmanətlə təmin edəcək
TED.az xarici mətbuata istinadən xəbər verir ki, Hindistanın avtomobil istehsalçısı Tata Motors gələn ilin əvvəlində yeni transmissiya texnologiyası istifadə ediləcəyi elektrik avtomobilini buraxmaq niyyətindədir. Bu barədə şirkətin rəhbəri bildirib.
Tata Motors şirkətinin baş direktoru Günter Butçek (Guenter Butschek) hesab edir ki, elektrik nəqliyyatına dəstək üzrə Dövlət Proqramı və elektromobillərə vergilərin son dərəcədə azalması ekoloji cəhətdən təmiz nəqliyyat vasitələrinin buraxılmasını daha əlverişli edir.
Hindistan avtomobil istehsalçılarını bir neçə şəhərdə çirklənmə səviyyəsini və yanacaq idxal xərclərini azaltmaq üçün elektrik vasitələri yaratmaq üçün təşviq edir. Bununla belə, dövlət, ilk növbədə enerji toplama stansiyalarının infrastrukturunu qurmaq lazım olduğunu və batareyaların Hindistan bazarı üçün mövcud olan dəyərinin elektrikli vasitə istehsal etmək üçün çox yüksək olduğunu iddia edən avtomobil istehsalçıları tərəfindən bəzi müqavimətlə üzləşib.
Tata Motors şirkətindən verilən məlumata görə, yeni transmissiya texnologiyasından istifadə etməklə yaradılan elektromobillər təkrar enerji toplmadan 250 km məsafəni qət edə biləcəklər. Şirkət batareyaları səkkiz illik zəmanətlə təmin edəcək.