İnstaqram sosial şəbəkələr içərisində populyarlığını qorumaqla yanaşı, hər keçən gün əlavə etdiyi yeni özəlliklərlə daha maraqlı platformaya çevrilir. TED.az xəbər verir ki, bu yaxınlarda TikTok-un video özəlliklərinə sahib olacağını elan edən İnstaqram indi isə rəsmən “qaranlığa bürünür”.

Tətbiqlərdə qaranlıq rejim dövrünə rəsmi olaraq daxil olduğumuzu deyə bilərik. Bu yaxınlarda bir çox tətbiqetməyə qaranlıq rejim xüsusiyyətinin əlavə edildiyinin şahidi olduq.

Bu ay yayımlanan iOS 13 və yeni Android 10-a da qaranlıq rejim xüsusiyyəti inteqrasiya edildi. Bununla birlikdə, bu versiyaların qaranlıq rejimdən istifadə etməsi tətbiqlərin bu rejimi dəstəkləməsini tələb etmir.

Bu səbəblə, bəzi tətbiqlərin bu rejimdən istifadəsi üçün öz yeniləmələrini etməsi gərəklidir. Bu tətbiqlərin ən populyarı olan İnstaqram da qaranlıq rejimi sınamağa başladı. İnstaqram yeni xüsusiyyəti ilə işıqları söndürür deyə bilərik.

İnstaqramın qaranlıq rejim xüsusiyyəti hələlik yalnız Android istifadəçiləri üçün olacaq. Android Police və 9to5Google-ın əldə etdiyi məlumatlara görə, təkcə Android 10 cihazlarında deyil, bəzi əvvəlki versiyalarda da işləyəcək qaranlıq rejim üzərində çalışılır.

Rejimin beta versiyası olduqca cəlbedici görünür. Ümid edirik ki, bu xüsusiyyət beta olaraq qalmaz və yeniləmə şəklində istifadəçilərə təqdim edilər.