Hava Limanı-Mərdəkan-Zuğulba yolunun bir hissəsində hərəkət məhdudlaşdırılacaq
Mayın 3-də saat 00:00-dan səhər saat 06:00-dək Hava Limanı-Mərdəkan-Zuğulba avtomobil yolunun 11-ci kilometrində (Buzovna qəsəbəsi ərazisində "Rahat" marketin qarşısı) yeni inşa edilən yerüstü piyada keçidinin platformasının quraşdırılması ilə əlaqədar olaraq qeyd olunan hissədə avtonəqliyyat vasitələrinin hərəkəti hissə-hissə qismən məhdudlaşdırılacaq.
TED.az Azərbaycan Avtomobil Yolları Dövlət Agentliyinə istinadla xəbər verir ki, sürücülərdən qeyd olunan saatlarda sözügedən hissədə hərəkətdə diqqətli olmaları, yol hərəkəti qaydalarına riayət etmələri və ərazidə quraşdırılmış müvəqqəti yol nişanlarının tələblərinə uyğun avtonəqliyyat vasitələrini idarə etmələri xahiş olunur.