AZ

Psixoloq: “Xüsusən elektron media diqqətli olmalıdır”

12.04.2019 12:32 178

Həm sosial şəbəkələrdə, həm də elektron mediada Elinanın son addımı ilə bağlı məlumatlar yer almaqdadır. Demək olar ki, hər gün yeni videolar və səslər açıq sosial şəbəkələrdə yayımlanır. Müasir dövrdə balacadan böyüyə hər kəsin əlində müxtəlif səsyazma və videoyazma funksiyaları olan smartfonlar belə fakrların yazılmasına imkanlar yaradır. Bəs belə kadrlar yaşından asılı olmayaraq hamıya açıq olan elektron resurslarda yerləşdirilməlidirmi?

 

Psixoloq Ruhəngiz Qarayeva TED.az-a açıqlamasında bunları bildirdi: “Media, xüsusən elektron media belə xəbərləri işiqlandırmağa məsuliyyətlə yanaşmalıdır.

 

Bu faciələrin qurbanı xəbərlərdə "şəhid" kimi təsvir olunur.  Saytlardakı xəbərlər duyğularla və lirik boşluqlarla doludur. Buna görə bir çox yeniyetmələr çətin bir vəziyyətdən "çıxış yolu"nu  belə "qəhrəmanlıq" etməkdə görür. Həmyaşıdlarında  "Baxın, özünü öldürdü, hər kəs onun haqqında danışır, ona haqq qazandırır, ölümü ilə məşhur oldu”  kimi fikirlər yaradır.

 

Ümumdünya Səhiyyə Təşkilatının tövsiyələrinə görə bu tip xəbərlər  bəzək düzəksiz, insanları kövrəltmədən,  sentimental duyğular yaratmadan verilməlidir.  Özünə qəsd edən haqqında kommentlər və informasiyalar təmkinli olmalı,  intihar sözü başlığa çıxmamalıdır. Video və görüntülərdən isə ümumiyyətlə qaçmaq lazımdır, intihar metodu haqqında heç bir informasiya verilməməlidir. Ən əsası isə bu tip informasiyaların sonunda özünəqəsd fikirləri yarandığı təqdirdə hara müraciət etmələri ilə bağlı qaynar xəttin telefonu verilməlidir. Təəssüf ki, son günlərin məlum hadisəsi ilə bağlı heç bir materialda bu qaydalara əməl olunmayıb.

 

Hörmətli media nümayəndələri “özünəqəsd” və “özünəqəsdə” cəhd halları ilə bağlı informasiya yayanda ehtiyatlı olun. Əks halda oxucularınız arasında analoji davranışları təkrarlayan qurbanlar qaçılmazdı.”

 

TED.az olaraq Uşaq Qaynar Xəttinin əlaqə nömrələrini qeyd edirik:

 

Azərbaycan Uşaq Qaynar Xətti

012 480 22 80

050 680 22 80

051 880 11 80

Ekspertlər bölməsindən digər xəbərlər

Daha çox