Fərdi kompyuterlərin bazarı kiçilir. International Data Corporation (IDC) şirkətinin analitiklərinin apardığı tədqiqatlar bunu təsdiq edir. Belə ki, bu ilin ilk rübündə 58,5 milyon ədəd fərdi kompyuter satılıb. Bu, 2018-ci ilin 1-ci rübündən 3 faiz azdır, həmin vaxt bazarın həcmi 60,3 milyon ədəd idi.

TED.az xarici mətbuata istinadən xəbər verir ki, liderliyi ələ alan HP 13,6 milyon satılmış kompyuterlə 23,2 faiz təşkil edir. 2-ci yerdə Lenovodur – 13,4 milyon satış və 23,0 faiz. Dell  10,4 milyon kompyuter sataraq bazarın 17,7 faizini təşkil edib.

Apple dördüncü yerdədir: “Alma” imperiyası 3 ay ərzində 4,1 milyon kompyuter sata bilib, bu, 6,9 faiz deməkdir. Beşliyi Acer Group 3,6 milyon kompyuter, yəni 6,1 faizlə başa vurur.