Kaliforniya Universitetinin mühəndisləri Wi-Fi siqnalları vasitəsilə müxtəlif maneələr, o cümlədən divar arxasında olan insanın şəxsiyyətini identifikasiya etməyə imkan verən texnologiya hazırlayıblar.

TED.az-ın məlumatına görə, bu barədə adıçəkilən universitetin saytında deyilir.

XModal-ID adlı metod bir-birindən uzaqda yerləşən iki Wi-Fi siqnalı ötürücüsündən, eləcə də insanın hərəkətlərinin əks olunduğu videoyazılardan istifadəni nəzərdə tutur.

Videoçarx vasitəsilə insanın üçölçülü modeli tərtib olunduqdan sonra bu məlumatlar Wi-Fi siqnallarının əks etdirilməsinin modelləşdirilməsi üçün istifadə olunur.

Bu metod 8 könüllünün üzərində sınaqdan keçirilib. XModal-ID sistemi, ümumilikdə divar arxasında olan insanların 84 faizini düzgün müəyyənləşdirib.

XModal-ID alqoritmlərinin kompüter təlimi əsasında işləməsinə görə, gələcəkdə identifikasiya prosesinin tədricən artacağı gözlənilir.

Texnologiyanın  köməyilə hüquq-mühafizə orqanları insanı hərəkətlərinə görə identifikasiya edə biləcək. Məsələn, sifəti gizlədilmiş insan müşahidə kameralarına düşdükdə polislər onun şəxsiyyətini məhz bu sistem vasitəsilə müəyyənləşdirəcəklər.