AZ

Azərbaycanda blokçeyn texnologiyalarının tətbiqi imkanları və texnoloji problemləri araşdırılır

13.04.2019 10:18 69

AMEA İnformasiya Texnologiyaları İnstitutunda 2 saylı şöbənin növbəti elmi seminarı keçirilib. İnstitutun şöbə müdiri, texnika üzrə fəlsəfə doktoru, dosent Yadigar İmamverdiyev “Blokçeynlər: komponentləri, tətbiqləri və problemləri” mövzusunda məruzə ilə çıxış edib.

 

İnstitutundan TED.az-a daxil olan məlumata görə, məruzəçi, Bitcoin və digər kriptovalyutaların blokçeyn texnologiyaları əsasında yaradıldığını diqqətə çatdırıb. Bildirilib ki, blokçeynlərin potensial imkanları daha genişdir və  digər praktiki fəaliyyət sahələrində də bu texnologiyanın imkanlarından faydalanmaq mümkündür: “Təsadüfi deyil ki, mütəxəssislər artıq “Blockchain 1.0” (kriptovalyutalar),  “Blockchain 2.0” (ağıllı müqavilələr) və “Blockchain 3.0” (dövlət idarəçiliyi, təhsil, elm, mədəniyyət və s. sahələrdə tətbiqlər) kimi inkişaf mərhələlərini ayırırlar”.

 

Məruzəçi blokçeyn arxitekturasının əsas komponentləri, blokçeynlərin təsnifat prinsipləri və əsas növləri, məşhur blokçeyn platformaları (Bitcoin, Ethereum, Hyperledger-Fabric, IOTA və s.) haqqında geniş məlumat verib. Qeyd edilib ki, blokçeyn şəbəkəsinin bütün qovşaqlarında mərkəzi idarəetmə orqanı olmadan tranzaksiyaların həqiqiliyini təmin etmək üçün konsensus protokollarından istifadə edilir. Konsensus protokolları paylanmış mühitdə qrup qərarlarının qəbul edilməsi mexanizmidir və blokçeyn arxitekturasının çox vacib komponentidir.

 

Sonda məruzə ətrafında müzakirələr aparılıb, suallar cavablandırılıb.

Elm bölməsindən digər xəbərlər

Daha çox