Zavodlarında Applenin öz qurğularını istehsal etdiyi  məşhur “Foxconn” şirkəti bu işin müəyyən hissəsini Hindistanda keçirir.

Apple əvvəllər də Hindistanda smartfonlar yığırdı, amma bu, o qədər də baha olmayan iPhone SE idi. İndi isə Hindistanın Çinnay şəhərində flaqmanların istehsalına başlanacaq - The Economic Times-in xəbər verdiyi kimi, iPhone X istehsal ediləcək. İstehsala iyul ayından başlamaq nəzərdə tutulur.

TED.AZ-ın məlumatına görə, gələcəkdə Apple bu zavodun istehsal gücünü artırmaq fikrindədir. Bu, əsasən, istehsalın dövlət tərəfindən stimullaşdırılması və dəstəklənməsindən asılıdır.

Hindistan Çini uğurla əvəz edir. Burada yeni şirkətlər gözəl qarşılanır. 2018-ci ildə 290 milyon smartfon düzəldilmişdir, 2025-ci il üçünsə, dövlət bu rəqəmi 500 milyona çatdırmaq fikrindədir.