AMEA İnformasiya Texnologiyaları İnstitutunda növbəti elmi seminar keçirilib.

İnstitutdan TED.az-a daxil olan məlumata görə, Şəlalə Mansurovanın “İterativ Klasterləşdirmə alqoritmləri” mövzusunda məruzəsi dinlənilib.

Məruzəçi klasterləşdirmə alqoritmləri və onun növləri (“Partitioning”, “Grid-based”, “Density-based” və s.), eləcə də klasterləşdirmə alqoritmlərinin bir növü kimi İterativ Klasterləşdirmə alqoritmləri haqqında ətraflı məlumat verib. Qeyd edilib ki, İterativ Klasterləşdirmə alqoritmləri bir neçə iterasiyadan ibarət olub nəticələrin yaxşılaşdırılması üçün tətbiq edilir. O, İterativ Klasterləşdirmə alqoritmlərinin “IK-means-+”, “The Simple Linear Iterative Clustering (SLIC)”, “MapReduce” alqoritmləri kimi növlərinin olduğunu vurğulayıb.