AZ

Doktorantura təhsili üzrə Milli İdarəetmə Portalının təqdimatı keçirilib

13.04.2019 12:08

“Azərbaycanda doktorantura təhsilinin Avropa ali təhsil məkanının tələblərinə uyğun yenidən qurulması və inkişaf etdirilməsi – “Nizami” layihəsinin yekunlarına həsr olunan tədbirdə doktorantura təhsili üzrə Milli İdarəetmə Portalının təqdimatı keçirilib.

 

TED.az-ın məlumatına görə, təqdimatda bildirilib ki, Azərbaycan və ingilis dillərində fəaliyyət göstərən portalın əsas məqsədi mövcud məlumatlara əlyetərliliyin artırılması istiqamətində dövlət siyasətinə dəstək verilməsi və Azərbaycanda təhsil alan bütün doktorantlar haqqında məlumatların bir bazada cəmləşdirilməsidir. Sistemin Fransanın Monpelye Universitetində mövcud olan portal əsasında yaradıldığı bildirilib.

 

Qeyd olunub ki, doktorantların hər il keçdikləri attestasiyanın nəticələrinin sistemdə öz əksini tapacağını və doktorantlar müdafiə etdikdən sonra belə onlar haqqında məlumatların portalda saxlanılacaq.

 

Sonda plagiatlığın qarşısının alınması və şəffaflığın təmin olunması üçün doktorantların avtoreferatlarının elektron variantlarının portalda yerləşdirilməsinin planlaşdırıldığı da nəzərə çatdırılıb.

Elm bölməsindən digər xəbərlər

Daha çox