AZ

Süni intellektli robot-fermer SwagBot bazara 2020-ci ildə çıxarılacaq - VİDEO

13.04.2019 12:51 107

“SwagBot” adlı süni intellektli robot-fermerin təqdimatı hələ 2016-cı ildə olmuşdu. İndi isə 4,6 milyon dollar investisiya toplayan istehsalçı şirkət öz məhsulunu yaxın il ərzində geniş bazara çıxarmağı planlaşdırır.

 

TED.az-ın techcult.ru -ya istinadən verdiyi məlumata görə, “SwagBot” bu müddətdə hissolunacaq dərəcədə modernləşmişdir – indi o, cəmi bir neçə dərs aldıqdan sonra bir çox funksiyaları sərbəst yerinə yetirməyi bacarır. Məsələn, bura alaqotuların tanınmasını və sahədən təmizlənməsini, otlaqda və ləklərdə bitkilərin böyümə sürətinə nəzarət və s. daxil etmək olar. Robot, həmçinin, sürünü otara bilər, hər halda, onun belə bir funksiyası var. Amma inəklər və ya qoyunlar bir maşına hər hansı itə olduğu kimi itaət edəcəklər, ya yox, bu, sual altındadır.

Əgər “SwagBot” özü geniş tarla və böyük işlər üçün nəzərdə tutulubsa, onun kiçik qardaşı “Digital Farmhand” kiçik fermer təsərrüfatları üçün yaradılıb. Faktiki olaraq o, “böyük qardaşını” təkrar edir, amma, ölçüləri kiçikdir və istifadəsi “böyük qardaşı” ilə müqayisədə ucuz başa gəlir.

 

Robot-fermerin təqdimatının bir neçə aydan sonra baş tutacağı gözlənilir.

Texnologiya bölməsindən digər xəbərlər

Daha çox