Robotlar fərqli sahələrdə həyatımıza girməyə davam edir. Artıq robot fotoqrafımız da var.

TED.az xəbər verir ki, Sinqapurda təqdim olunan Selfiebot dünyanın ilk robot fotoqrafı hesab edilir. Galaxy Tech Studio-ların ortaqlığıyla hazırlanan Selfiebot icarəyə götürülə bilər. Robot fotoqraf deyərkən, əlində bir kamera ilə necə poza verəcəyinizi söyləyən robot düşünməyin. Selfiebot təkərli robota yerləşdirilmiş bir iPad-dən ibarətdir. Robot məkanı gəzib maneələri aşmaq üçün kifayət qədər ağıllıdır. Lakin foto çəkmək üçün ekranına toxunmaq lazımdır.

Robot fotoqraf fotoları dərhal çap edə, SMS və ya e-poçt vasitəsilə qonaqlara göndərə bilir. Üstəlik, Selfiebot fotolarınıza animasiyalı GIF və mətn əlavə etməyə imkan yaradır. Selfiebot hazırda yalnız Sinqapurda mövcuddur. Ancaq gələcəkdə robot fotoqrafla digər ölkələrdə də rastlaşa bilərik.